எந்திரன்: 57 விதவிதமான காஸ்ட்யூம்களில் ஐஸ்வர்யா!
ஒரு மேக்கப் கலைஞர் நினைத்தால் யாரையும் எளிதில் அழகாக்கிவிடலாம். இயற்கையின் படைப்பையே தங்கள் கைவண்ணத்தால் இன்னும் அழகாக்கிக் காட்டும் கலை கைவரப்பெற்றவர்கள் அவர்கள்.
வெளிநாடுகளில் மேக்கப் என்பது மிகப் பெரிய, முக்கியத்துவம் வாய்ந்த கலையாக கருதப்படுகிறது. குறிப்பாக ஹாலிவுட்டில் ஒரு ஹீரோவுக்குரிய முக்கியத்துவம் அவரது மேக்கப் கலைஞருக்கும் தரப்படுகிறது.
இந்தியாவில், குறிப்பாக தமிழில் இப்போதுதான் மேக்கப்புக்கான முக்கியத்துவம் கூடி வருகிறது.
பாலிவுட்டில் பிரபல மேக்கப் கலைஞராக இருப்பவர் ஓஜா ரஜனி. இன்றைய பாலிவுட்டின் முன்னணி நடிகைகள் பெரும்பாலும் நாடுவது இவரைத்தான்.
குறிப்பாக ஐஸ்வர்யா ராய்க்கு இவர்தான் ஆஸ்தான மேக்கப் கலைஞர். உலக அழகியை விதவிதமான, கிளர்ச்சியான தோற்றங்களில் காட்டும் கலையில் ஓஜா ரஜனியின் திறமையைப் பார்த்து, அவரையே சூப்பர் ஸ்டாரின் எந்திரன் படத்தில் ஐஸ்வர்யாவுக்கு மேக்கப் கலைஞராக ஒப்பந்தம் செய்துள்ளனர்.
இந்தப் படத்தில் ஐஸ்வர்யாவின் தோற்றம் குறித்து ஓஜா இப்படிக் கூறுகிறார்:
எந்திரன் இந்தியாவின் மிகச் சிறந்த ஷோவாக இருக்கும் என்று நினைக்கிறேன். திரைப்படம் என்று பார்த்தால் நான் ஐஸ்வர்யா ராயின் மேக் அப் உமனாக பணியாற்றுவது எந்திரனில்தான். ஆனால் எட்டு வருடங்களாக நான் ஐஸ்வர்யாவுடன் பணியாற்றி வருகிறேன். அவர் நடித்த அத்தனை விளம்பரங்களுக்கும் நான்தான் மேக்கப் செய்துள்ளேன்.
அவருக்கு மிக மிக அழகான முக அமைப்பு. ஒரு நிஜமான தொழில்முறைக் கலைஞர் அவர்… அவர் முகத்தை எந்த விதத்தில் மெருகேற்ற வேண்டும் என்றாலும் உடனடியாக ஒப்புக் கொள்வார். ஒரு மகாராணியைப் போன்ற கம்பீரமான முகம் அவருக்கு. எந்த அளவு குறைந்த மேக்கப்பிலும் ஜொலிப்பவர் ஐஸ்வர்யா ராய். உலக அளவில் வெகு சில நடிகைகளுக்கு மட்டுமே இந்த சிறப்பு உண்டு… குறிப்பாக அவரது கண்கள்!
எந்திரனில்…
எந்திரன் படத்தில் ஐஸ்வர்யா ராய்க்கு 57 விதவிதமான காஸ்ட்யூம்கள் மற்றும் மேக்கப் உத்திகளை ஐஸ்வர்யாவுக்கு கையாண்டுள்ளோம். குறிப்பாக ஒரு பாடலில் மெக்ஸிகன் பழங்குடி இனப் பெண்ணைப் போன்ற தோற்றத்தில் வருவார். அந்த தோற்றத்தில் அவரது இளமையும் கவர்ச்சியும் இளைஞர்களை தீப்பிடிக்க வைக்கும். இன்னொரு பக்கம் மணீஷ் மல்ஹோத்ராவின் சிறப்பான டிஸைனிங் படத்துக்கே புதிய அழகைக் கொடுத்துள்ளது…, என்கிறார் ஓஜா ரஜனி.
நன்றி - என்வழி.காம்
